Җиңү паркында Ватанны саклаучылар көне уңаеннан митинг узды

(Дифиза Нуриева, “Минзәлә-информ”)

Митингта катнашучы ир-егетләрне  шәһәр башлыгы урынбасары Роза Салдаева район башлыгы Айдар Салахов һәм шәхсән үз исеменнән бәйрәм белән тәбрик итте. Ватанны, туган илне саклау һәр ир-егетның изге бурычы булуын әйтеп китте. Район хәрби комиссариатының хәрби хезмәткә чакыруга әзерләү бүлеге начальнигы Илшат Каюмов та булачак солдатларга үгет-нәсихәт сүзләре әйтте.

Хәрби хезмәтен башкарганда сугыш кырларында вафат булган ватанны саклаучылар бер минут тынлык белән искә алынды, һәйкәлгә чәчәкләр салынды.