«Ялкын» яшьләр үзәгендә «Без бергә» клубы әгъзалары өчен гаилә бәйрәме оештырылды

«Без бергә» клубында шәһәребезнең хәйриячеләре белән хезмәттәшлек итү эше дәвам итә. Инвалид булу сәбәпле эшли алмаучы яшьләр белән төрле чараларны тормышка ашыру өчен «Ялкын» яшьләр үзәге белән аралашырга һәм хезмәттәшлек итәргә әзер булган битараф булмаган кешеләрнең күп булулары куанычлы.
Балалар әти-әниләре белән бергә тукымадан курчак ясадылар. Курчаклар әзер булганнан соң, балалар волонтер һәм хәйрияче Марина Зәйнетдинова ярдәме белән оештырылган чәй өстәле артында сыйландылар.