Җил секундына 21 метр тәшкил иткән

Илдус Шаһиев, Минзәлә- информ
Бүген көндезге ике сәгать тирәсендә һава аномалиясе һәм көчле җил Минзәләгә дә зыян салды.Ун минутлык давылда җилнең көче секундка 21 метр тәшкил иткән.Район хакимияте урнашкан бинаның түбәсенең бер өлешен редакциянең ишек алдына алып ташлады.Редакция бинасын да тетрәтеп алды.Зыян күренми, әмма икенче катта урнашкан журналистларны куркытып, идән селкенеп алды.Күрәмсең, җилнең көче күрше бинага бәргән, ә редакциянекенә бик тимәгән.
Дмитрий Чухланцев, район башкарма комитеты җитәкчесе урынбасары:
-Җил китергән зыянның күләмен ачыкладык.Төзүчеләр түбәне тиз арада ябып куярга вәгъдә бирделәр.