Ильяның теләге тормышка ашты

(Дифиза Нуриева, “Минзәлә-информ”)

Районда узган Хәйрия марафонында социаль яклау бүлеге оештырган “Теләкләр чыршысына” 18 хат урнаштырылган иде. Һәр хатта комплекслы үзәк аша социаль хезмәтләр алучы 18 яшьтән алып 40 яшькә кадәрге менталь кимчелекләре булган инвалидларның Кыш бабайдан бүләк сорап язылган хатлары эленгән иде. Ильяда Кыш бабайга хата язып,аннан шашка уены сораган. Шушы көннәрдә ул бүләген алды да. Аны Альберт Тимерханов Кыш бабай һәм Кар кызы белән берлектә аларның өйләренә барып тапшырды.

Илья:

–Мин шашка уйнаргаяратам. Гадәттә әни белән уйныйбыз. Безгә әле беркайчан да Кыш бабайның килгәне юк иде, көтелмәгән шатлыклы вакыйга булды. Бүләккә мин бик шат. Рәхмәт. Һәркемгә сәламәтлек телим.