Юшады авыл җирлегендә җыен Каран-Азик авылының яңа клубында узды

— Дәүләт программаларында, грантларда катнашу, республика, район җитәкчелеге ярдәме, үзара салым ярдәмендә көнүзәк мәсьәләләрне акрынлап хәл итү буенча максатчан эш алып барыла, — дип билгеләп үтте җирлек башлыгы.

Аның сүзләренә дәлил булып икенче ел рәттән гражданнар җыеннарын яңартылган социаль объектларда үткәрү тора. Узган ел җирлектә яшәүчеләр һәм район җитәкчелеге вәкилләре Түбән Юшады авылының төзекләндерелгән клубында очрашкан булса, быел исә Каран — Азик авылының тулысынча төзекләндерелгән клубында. Социаль инфраструктураны яңартуны быел да дәвам итү буенча планнар бар.