Кадрәк авылында спорт ветераннарына махсус кубоклар тапшырдылар

Илшат Вагыйзов, “Минзәлә-информ”

Ватанны саклаучылар көне уңаеннан Кадрәк мәктәбендә волейбол ярышы үткәрелде. Җирлек спорт сөючеләре арасында 3 команда ярышты.

Хәлил Нәбиуллин, Кадрәк авыл җирлеге башлыгы:

- Бөтен катнашучыларны авыл жирлеге депутаты Илнар Камалов медальләр белән бүләкләде, Ул шулай ук җирлегебезнең спорт ветераннарына - Данил Гозәеров, Зөфәр Ибраһимов, рафаэль Ибраһимов, Фәрих Хәбибуллин, Рамил Биктимеровка  - махсус кубок тапшырды.

Шулай ук авыл жирлеге советы исеменнән спорт ветераннарына рәхмәт хатлары тапшырылды. Соңыннан авыл җирлеге депутаты Таһирҗан Шәрипов укытучылар белән берлектә барлык уенчыларны бәйрәм өстәленә чакырдылар.