Калтак мәктәбендә мари теле укытучыларының районара семинары узды

(27 апрель, "Минзәлә-информ")

Семинар мари халкының милли геройлары һәм ТР Халыклар бердәмлеге көненә багышланган иде. Семинарда мәктәп директорлары, укыту-тәрбия эшләре буенча директор урынбасарлары, милли (мари) мәктәпләренең тәрбия эшләре буенча урынбасарлары, мари теле һәм әдәбияты укытучылары, башлангыч сыйныф укытучылары катнашты. Семинарда шулай ук Минзәлә районы мәгариф бүлеге җитәкчесе Леонид Петраев катнашты. Әлеге семинарның төп максаты-мари халкының туган телен, гореф-гадәтләрен һәм мәдәниятен саклау буенча тәҗрибә уртаклашу. Семинар барышында укучылар проект эшләрен якладылар, экологик тәрбия бирүгә, сәламәт яшәү рәвешен үстерүгә игътибар бирелде. Бигрәк тә дәрестән тыш эшчәнлек һәм этнокультура компонентларын кулланып өстәмә белем бирү дәресләре үткәрүгә игътибар бирелде. Семинарда катнашучылар мәктәп һәм педагогик коллективның мари халкының рухи байлыгын саклауда эшчәнлеген югары бәяләделәр.