Хәтер мемориалында яңа исемнәр өстәлде

Илдус Шаһиев, Минзәлә- информ
Бөек Җиңү бәйрәме алдыннан Хәтер Мемориалында гранит ташларга язылган Бөек Ватан сугышында һәлак булучылар исемлеге өстәлде.Барысы 24 фамилия.Район хәрби комиссариаты хәбәр иткәнчә, бу исемлектә 2016 елдан башлап җыелган фамилияләр кертелгән.
Анда Шакирҗан Хәйретдинов фамилиясе өстәлүгә редакциянең дә өлеше керде.Укучыбызның мөрәҗәгатен үти алубызга, хәрби комиссариат коллективы белән беррәттән, без дә шатланабыз.Исемле ташларны шәһәр башкарма комитеты ясатты. Җиңү яулаган геройларны онытырга безнең хакыбыз юк!