Хуҗәмәт авылында Сабантуйны Минзәлә театры артистлары алып бардылар

(Илшат Вагыйзов, “Минзәлә-информ”)

Наилә Вәлиева, Хуҗәмәт авылы мәдәният йорты директоры:

- Һава торышы бераз кырысрак булып торса да,җыелган халыкның кәефе күтәренке булды.Җыр-бию,төрле кызыклы уеннар белән үрелеп барган бәйрәм һәркемнең күңеленә хуш килде. Көтеп алынган бәйрәмне Минзәлә театрының янып торган егетләре Илдар Халиков, Нәфис Гайфуллин, Илназ Хисмәтуллин алып бардылар, - дип хәбәр итте.

Сабантуйның баш батыры булып Айнур Гарипов калды.

Бәйрәмдә шулай ук балалар да матур җыр башкарып, азагында дуслык күгәрченнәрен күккә очыртып җибәрделәр.

Фотолар һәм видео Хуҗәмәт авылы мәдәният йорты архивыннан.