Хуҗәмәттә 12 команда вәкиле көрәште

(Илшат Вагыйзов, “Минзәлә-информ”)

Ярышка Минзәлә районының Калтак (тренер – Фәнияр Гәрәев), Хуҗәмәт (тренер – Флүр Галиев) мәктәпләре,  гимназия (тренер – Ленар Заһриев), интернат-мәктәп (тренерлар – Данис Гәрәев, Рөстәм Хәмидуллин) командалары, шулай ук Рәмзил Бәдриевта шөгыльләнүче, Тукай районы Абдул, Новотроицк, Комсомольский, Круглое Поле , Мәләкәс мәктәпләреннән, Яр Чаллы шәһәреннән, Актаныш районы Пучы мәктәбеннән 2009 елгы һәм анна да яшьрәк 65 көрәшче бил алышты.

Флүр Галиев:

-  8 авырлык үлчәме категориясендә барган ярышлар нәтиҗәсендә 1 урынны Хуҗәмәт, 2 урынны Пучы, 3 урынны гомуми Тукай районы командалары алды. Җиңүчеләр медаль, грамота, премия һәм кубоклар белән бүләкләнде. Хуҗәмәт РМЗ генераль директоры Хәнәфи Кәримов ярышка килгән һәр катнашучыны бушлай ашатуны оештырды.