Кызыксыну булганда

Февраль аеннан башлап Татарстанда балалар бакчаларында республикабызның дәүләт телләрен өйрәнү буенча яңа белем бирү программасын тормышка ашыру башланды. Аның нигезенә укытуның яңа методикасы салынды.

Балаларны, мөмкин ка- дәр, теоретик өлештән аерып, акцентны тере сөйләм теленә ясый­лар. Алар рус һәм татар телләрен филологик дис­циплина буенча түгел, ә аралашу чарасы буларак җиңел уен формасында үзләштерәчәкләр. Барлык балаларның да ике телдә дә сәйләшә белүләре мөһим.

Яңа программа мәк- тәпкәчә яшьтәге бала­лар учреждениесе белән башлангыч мәктәп ара­сында дәвамчанлыкны күздә тота. Яңа алымның максаты шунда, башлан­гыч мәктәпне тәмамлаган барлык балалар да ике дәүләт телендә дә иркен сөйләшергә тиешләр. 4-5 яшьлек балалар өйрәнә торган телдә (татар телендә сөйләшүчеләр - русча, рус телендә сөйләшүчеләр - татарча) 62 сүзне белергә тиеш, дип көтелә. 4 нче сыйныф- тагы баланың сүзлеге кимендә 1167 сүздән то­руына ирешү күздә тоты­ла. Ни өчен укучыларның хәзинәсендә шуның кадәр күләмдәге сүз бу­лырга тиеш соң? Мон­да дөньядагы телләрне өйрәнү методикасы ни­гез итеп алынган. Бу сүзлек бүгенге көндә гамәлдәге программа таләп итә торганга ка­раганда ике тапкырга диярлек азрак. Шушы "бер урында таптанып", күп тапкырлар кабатлый торгач, автомат рәвешкә җиткерелеп, сүзләрне ях­шырак хәтердә калдыруга ирешелә.

Программада муль- тимедиягә, уеннар, әкиятләр, мультфильм­нар ярдәмендә өй- рәтүгә, Интернетның мөмкинлекләрен фай­далануга басым ясала. Яңа программа өчен махсус 45 анимацион сюжет эшләнгән, алар балаларга татар һәм рус телләрендә аерым сүзләрне өйрәнергә мөмкинлек бирә; 8 та­нып белү тапшыруы - алар ТНВ каналын­да һәр якшәмбедә 9.30 сәгатьтә күрсәтеләчәк һәм ТР Мәгариф һәм фән министрлыгы сайтында урнаштырылачак; татар телендә 5 мультфильм (алар министрлыкның сайтында бар инде); му­зыкаль әкиятләр һәм ба­лалар җырлары белән 3 компакт-дисктан торган комплект. Моннан тыш 8 популяр мультфильмның: Гав исемле песи турында, Винни-Пух һәм аның дус­лары, арыслан һәм таш­бака турында, шулай ук Золушка турындагысын татар актерлары башка­руында тыңларга була. Әлеге мультфильмнар безнең редакциядә дә бар. Сатып алырга теләге булганнарга символик бәягә күчермәләрен ясап бирәбез.

Безнең районда 8 нче "Ко­яшкай" балалар бакчасы дәүләт телләрен өйрәнү буенча эксперименталь уку-методик мәйданчыгы булып тора. Татар теленә өйрәтү буенча югары категорияле тәрбияче Люзия Фәррахова белән өлкән тәрбияче Светла­на Петрова ике телле­лек шартларында яңа материал белән эшләү өчен тәрбиячеләрне әзерләүнең махсус курс- ларына Казанга барды­лар. Район балалар бак­чалары тәрбиячеләре семинарларында алар үзләренең шушы курс- ларда алган белемнәре белән уртаклаштылар. 8 нче "Кояшкай" балалар бакчасы тәрбиячеләре яңа программа буенча агымдагы елның сентябрь аеннан эшли башлый­лар, хәзер моңа әзерлек эшләре бара.

Эш башланды, аның нәтиҗәсе тәрбияче- ләрнең, балаларның һәм, әлбәттә, ата-аналарның ничек эшләүләренә бәй- ле. "Шаккаттыр, кызыксын­дыр, белем бир, нәтиҗәсе булырга тиеш" дигән "ал­тын кагыйдә"гә таянсак, аларның ярдәменнән, теләктәшлегеннән баш­ка әлеге яңа программа­ны тормышка ашыру бик авыр булачак.