Марат Әхмәтовның фатыйхасы ярдәм итте

Илдус Шаһиев, "Минзәлә-информ"
Зур кунак яшь көрәшчеләргә җиңүләр теләде, район җитәкчеләренә татарча көрәшне яңадан данлы итү өчен максатчан эшләргә тәкъдим итте.
Пучыда  Минзәлә һәм Актаныш көрәшчеләре катнашуында фронтовик - шагыйрь Нур Баян истәлегенә  районара көрәш турниры булды. 8 авырлык үлчәмендә 2012 һәм аннан яшьрәкләр арасында 60 ка якын көрәшче катнашты. Минзәлә районы данын "Юбилейный" спорт мәктәбенең көрәш бүлегендә тәрбияләнүче 11 яшь спортсмен (тренер - Рәмзил Бәдриев) катнашты.
  Радмир Факаев 40 кг кадәр 1 нче урын,
Дамир Федотов - 50 килограммга кадәр 1  урын, Андрей Соловьев   36 кг кадәр 1 урын,  Дамир  Резетдинов 50 килограммнан югары 2 нче урын, Ренат Овчинников- 36 кг кадәр 2 нче урын, Игнат Ялышев 50 кг кадәр 3 нче урын, Евгений Хәмзин 50 килограммнан югары 3 нче урын яулады