Марат Әхмәтов районның мәдәният хезмәткәрләре белән очрашу өчен Тупачка килде.
Татарстан Республикасы Дәүләт Советы Рәисе урынбасары, VI чакырылыш депутаты-Марат Әхмәтов эш визиты белән Минзәлә районына килде. Депутат китапханә системасы хезмәткәрләре, район клублары мөдирләре һәм авыл халкы белән очрашу өчен махсус Тупач авылына юл тотты.
(Минзәлә, 11 август, «Минзәлә-информ», Чулпан Шафикова). Минзәлә районы башлыгы Айдар Сәләхов, ТР Дәүләт Советы Рәисе урынбасары Марат Әхмәтов, алтынчы чакырылыш ТР Дәүләт Советы депутатлары Камил Нугаев һәм Азат Хамаев, Минзәлә районы башкарма комитеты җитәкчесе Камил Нәҗмиев белән очрашу өчен Тупач авылы клубы каршында җирле халык, мәдәният һәм китапханә системасы хезмәткәрләре җыелган иде.
"Хәзер иң мөһиме-туган телебезнең бөтен матурлыгын һәм бөтенлеген киләсе буынга җиткерү. Без туган телебезне белергә, шул ук вакытта рус телендә дә чиста сөйләшергә тиеш."- дип Марат Әхмәтов үз сәфәренең максатын белдерде.
Кунакларны чәк-чәк белән сыйладылар, алар өчен җырлар башкардылар, күпфункциональ үзәк бинасы буенча экскурсия үткәрделәр, кызыклы театр тамашасы оештырдылар.
Марат Әхмәтовның Минзәлә районына визиты турындагы видеороликны Безнең YouTube-"Минзәлә-информ" каналында, @menzela_menzelinsk Instagram-аккаунтында, шулай ук "Минзәлә news" Вконтакте берләшмәсендә карагыз.
Следите за самым важным и интересным в Telegram-каналеТатмедиа
ВКонтакте: Мензелинск news - Мензеля-информ
Telegram-канал: Мензелинск news - Мензеля-информ
Нет комментариев