Минтимер Шәймиевка 89 яшь тулды

Татарстан Рәисе Рөстәм Миңнеханов социаль челтәрләрдә Минтимер Шәймиевне туган көне белән котлап, «Кеше-эпоха» дип атады, аңа ныклы сәламәтлек, озын гомер теләде.

Минтимер Шәймиевның хезмәт биографиясе Минзәлә белән дә бәйле. 1962-1967 елларда «Сельхозтехника» Минзәлә районы берләшмәсен җитәкләде. Нәкъ биредә эшләгән чорда, 1966 елда (29 яшендә) Ленин орденына лаек булды. Республика белән идарә иткән чорда да Минзәләгә еш визитлар белән килде. Аның катнашуында 1998 елда Минзәләдә гимназия, 2007 елда «Юбилейный» спорт мәктәбе ачылды. 2007 елда Минтимер Шәрип улы район үсешенә керткән өлеше өчен рәхмәт йөзеннән Минзәлә шәһәренең Мактаулы гражданины исеменә лаек булды.

Фотография «Минзәлә-информ» архивыннан, «Юбилейный» спорт мәктәбе ачылышы, 2007 ел.