Минзәлә авыл хуҗалыгы техникумында әдәби-тарихи бәйге узды

Венера Тумакаева, МСХТ китапханәсе мөдире

"Минзәлә авыл хуҗалыгы техникумы" ГАПОУ базасында Татарстан Республикасы һөнәри белем бирү оешмалары студентлары арасында  "Киләчәккә йөз тотып " республика әдәби-тарихи конкурсы узды.

Конкурста катнашу өчен 18 һөнәри белем бирү оешмасыннан 18 гариза һәм «Ата-бабалар васыять иткән мирас» темасына видеоязмалар кабул итеп алынды. Финалга читтән торып катнашу  этабы нәтиҗәләре буенча иң күп балл җыйган 10 команда чыкты. Шуларның 7се конкурсның төп  этабында катнашты, 3 команда техник сәбәпләр аркасында килеп җитә алмады.

Конкурсның төп этабы өч турдан торды.

ТР халык артисткасы Р. М. Муллина, Минзәлә районының мәгариф бүлеге методисты А. Б Зәйнуллина, гимназиянең милли мәгариф буенча директор урынбасары Л. А. Галиева составындагы компетентлы жюри йомгак ясады һәм урыннарны түбәндәгечә билгеләде:

1 урын-Минзәлә авыл хуҗалыгы техникумы

         Түбән Кама педагогика көллияте

2 урын-Бөгелмә машина төзелеше техникумы

Яр Чаллы педагогика көллияте

3 урын-Түбән Кама күппрофильле көллияте

.Г. Тукай исемендәге Әтнә авыл хуҗалыгы техникумы

Казан педагогика көллияте командасы "Мирасны саклау” номинациясенә лаек булды