Минзәлә гармунчылары төбәкара фестивальдә уңышлы чыгыш ясадылар

Илшат Вагыйзов, «Минзәлә-информ»

III төбәкара «Актаныш гармуннары» фестиваль-конкурсы кысаларында уздырылган «Авылларда гармун моңнары» гармунчылар җыенында Минзәлә районы данын Аю, Татар Мөшегесе, Тауасты Байлар, Хуҗәмәт авылы гармунчылары яклады. Нәтиҗәләр буенча «Яшь бөреләр» ансамбле (Татар Мөшегесе авылы) «балалар ансамбле» номинациясендә 2 нче урын яуладылар һәм «Иң яшь гармунчылар» номинациясендә диплом белән бүләкләнделәр.

Ялгыз башкаручылар (26 −45 яшь) номинациясендә Аю авылыннан Ләйсәния Бәдриева 2 нче урын яулады. Тауасты Байлар авылыннан Фәрит Миргалимов, 85 яшь булса да, бик оста итеп, дәртле көйләр башкарды һәм тамашачылар яратуын яулады.