“Минзәлә” газетасы балалар бакчасында кунакта булды

(Дифиза Нуриева, “Минзәлә-информ”)

Әлеге акция кысаларында “Минзәлә” район газетасы журналистлары 5нче санлы “Таңкай” балалар бакчасында булып, район газетасы һәм балалар өчен чыгучы “Татмедиа” журналлары белән таныштырдылар.

Мәктәпкә әзерлек төркеменә йөрүче малайлар һәм кызлар журналистларга үзләрен кызыксындырган сорауларын бирделәр. Балалар газета битләре буйлап сәяхәт итеп, журналист һөнәре турында, яңалыкларның ни рәвешле язылуы, кемнәр мәкалә геройлары була алу турында күп мәгълүматлар белделәр.

Диктофон, микрофон, фотоаппарат кебек журналист өчен кирәк булган әсбапларны балалар зур кызыксыну белән тотып карадылар, журналист булып уйнадылар.