Минзәлә гимназиясе укучылары Россиякүләм конкурста 1 урыннар яуладылар

Илшат Вагыйзов, "Минзәлә-информ"
Минзәлә гимназиясе укучылары Айнар Халиуллин (9 нчы сыйныф), Камилә Галиева, Самира Зарипова (7 нче сыйныф укчылары, "Уен" хореографик ансамбле солистлары) "Solo Dance Chelny" Бөтенроссия классик, халык, сәхнә, заманча, эстрада биюләре солистлары конкурсында катнаштылар.
Яр Чаллыда узган әлеге бәйгедә Камилә һәм Самира халык-сәхнә биюе номинациясендә урта яшьтәгеләр төркемендә "Әбием сандыгы" номерын, ә Айнар - шушы ук номинациядә олы яшьтәгеләр төркемендә "лезгинка" биюен тәкъдим иттеләр. Нәтиҗәдә, алар 1 нче дәрәҗә лауреат исемнәрен яуладылар.