Минзәлә картлар һәм инвалидлар интернат-йортында спорт чарасы узды

«Фитнес Плюс» программасы кысаларында. «Татнефть» «Энергия Добра — 2023» хәйрия фондының грант ярдәме белән Минзәләнең өлкәннәр һәм инвалидлар өчен интернат-йортында ачык һавада «Актив озын гомерлелек» дигән спорт чарасы үткәрелде.

Эстафеталарга әзерлек барышында катнашучылар үз командаларына исемнәр уйлап таптылар. «Ут» һәм «Карлыгачлар» җитезлектә, төгәллектә көчләрен сынап карадылар. Чара программасы бик бай булды. 

Спорт чарасына кунакка Куян һәм Аю да килде, шатлыклы кәеф булдырылды, теләүчеләр персонажлар белән фотога төшә алды. Чара флешмоб белән тәмамланды.