Минзәлә район Советының чираттагы утырышы үтте

Илдус Шаһиев, Минзәлә- информ
Аның эшен район башлыгы Айдар Салахов алып барды.
Утырышның көн тәртибендә ике мәсьәлә каралды.

Беренче мәсьәлә буенча районның бюджет- финанс палатасы рәисе Ландыш Кондратьева чыгыш ясады. Ул муниципаль усрежденияләрнең 2022 елдагы бюджеты һәм җыелма бухгалтерия хисабы буенча мәгълүмат җиткерде.

Көн тәртибендәге икенче мәсьәлә Урыс авыл җирлегенә караган Гөлек авылы янындагы торак төзелеше өчен алынган җирләрне яңадан авыл хуҗалыгы җирләре категориясенә кайтарылганга, Гөлек авылының Генераль планына үзгәрешләр кертүгә кагылышлы иде. Бу хакта авыл җирлеге башлыгы Ильмира Аксюкова хәбәр итте.

Утырыш эшендә Татарстанның Дәүләт Советы депутаты Азат Хамаев катнашты һәм чыгыш ясады.