Минзәлә районы аксакаллар шурасы рәисе күчмә утырышта катнашты

Илшат Вагыйзов, “Минзәлә-информ”

Минзәлә районы аксакаллар шурасы рәисе, Усай авылы имам-хатыйбы Мирзаһит хәзрәт Галиев ( төп фотода сулдан беренче) Татарстан Республикасы Диния нәзарәте Аксакаллар шурасының күчмә утырышында катнашты. Күчмә утырыш ике көн дәвам итеп, Әтнә, Арча, Кукмара районнарында узды.

-  Утырышта район җитәкчелеге, дин әһелләре белән берлектә мәктәп һәм балалар бакчаларында хәләл туклануны оештыру, районнарда дини-туристик маршрутлар  булдыру, зыярат тәртипләрен саклау, борынгы каберлекләрне барлау мәсьәләләре каралды, -дип хәбәр итте Минзәлә районы имам-мөхтәсибе    Рәмзил хәзрәт Садыйков.