Минзәлә районы авыл мәктәпләре арасында “Зарница-2023” уены үткәрелде

Илшат Вагыйзов, “Минзәлә-информ”

Минзәлә районы Р. Каһиров исемендәге Аю гомумбелем бирү мәктәбе базасында авыл мәктәпләре арасында “Зарница-2023” спортив хәрби-патриотик уены үткәрелде.

Катнашучыларны шәһәр башлыгы урынбасары Роза Салдаева, район мәгариф бүлеге начальнигы Леонид Петраев, Аю авыл җирлеге башлыгы Айрат Галимов сәламләделәр, балаларга сау-сәламәт һәм илебезнең патриотлары булып үсүләрен теләделәр.

Ярыш нәтиҗәләре буенча урта мәктәпләр арасында 1 урын Татар Мөшегесе, 2 урын – Хуҗәмәт, 3 урын – Калтак командасы яулады. Төп гомум белем бирү мәктәбе командалары арасында 1 урында Матвеевка, 2 урында  Аю, 3 урында - Югары Тәкермән укучылары калды.

Абсолют җиңүче булып Татар Мөшегесе урта мәктәбе командасы танылды.

Аерым ярыш нәтиҗәләренә килгәндә, канат тартуда Татар Мөшегесе командасына тиңнәр булмады. Ә АК-74 сүтеп-җыю буенча ярышта Аю авыл җирлеге башлыгы призына Хуҗәмәт урта мәктәбенең ТИН укытучысы Р.В. Упаев лаек булды.