Минзәлә районы башлыгының Гаилә, мәхәббәт һәм тугрылык көне белән котлавы

Якты бәйрәм — Гаилә, мәхәббәт һәм тугрылык көне белән иң җылы һәм ихлас котлауларны кабул итегез!

Бу борынгы бәйрәм Россиядә күптән түгел генә торгызылды һәм халыкның яраткан бәйрәменә әверелде. Ул гаилә учагының җылысын һәм якыннарның аралашу шатлыгын гәүдәләндерә.

Гаилә, кайгырту, бер-береңә хөрмәт, якыннарның мәхәббәте- тормышта кешеләрнең төп таянычы. Нәкъ менә гаиләдә холык, әхлакый һәм рухи кыйммәтләр формалаша. Гаилә генә кеше тормышын тулы итә ала.

Бу куанычлы бәйрәмдә һәр гаиләгә чын күңелдән нык сәламәтлек, бер-береңә җылы мөнәсәбәт, тынычлыкта, аңлашып яшәүләрен телим.

Минзәлә муниципаль районы башлыгы Айдар Салахов.