Минзәлә районы делегациясе танк полигонында һәм “Казан Экспо” да булды

Илшат Вагыйзов, "Минзәлә-информ"

Озата баручы “Ялкын” яшьләр үзәге директоры Ирина Михайлова хәбәр иткәнчә, бу юлы 32 кеше барып кайтты. Алар мобилизацияләнгән якыннарының танк полигонында һәм “Казан ЭКСПО” да әзерлек үтү һәм яшәү шартлары белән таныштылар.

- Егетләрнең кәефләре яхшы, райондашларыбыз тарафыннан җыеп җибәрелгән күчтәнәчләргә зур рәхмәтләрен белдерделәр, - ди Ирина Михайлова. – Без аларга гуманитар ярдәм рәвешендә санитар гигиеник әйберләр, азык-төлек продукциясе белән беррәттән  үзебездә һәм “Донна Роза” кибетендә эшләүче “Сәйлән” тегү цехында тегелгән вещмешоклар, шулай ук тезкаплагычлар алып бардык.