Минзәлә районы депутатлары гуманитар йөкне хәрбиләрнең кулларына тапшырдылар

Минзәлә районыннан депутатлар — Эдуард Ягафаров һәм Раушан Салахов Татарстан егетләре хезмәт итүче 1232,1233нче полкларга һәм башка хәрби частьларга гуманитар йөк һәм якташыбыз хезмәт итүче медицина ротасына медицина кирәк-яраклары илтеп кайттылар.

Җибәрелгән туган як күчтәнәчләре арасында «Поможем нашим, Мензелинск» (кураторлары Светлана Нуриева) волонтерлар төркеме ясаган коры ашлар, чәйләр, район халкыннан җыелган башка кирәк-яраклар да күп иде. «Минзәлә-информ» коллективы исә «Минзәлә» район газетасы белән бергә редакциядә басылган Минзәләнең мәчете һәм соборы төшерелгән календарьлар да җибәргән иде. Алар да хәрбиләргә барып җитте. 

Фотолар «Поможем нашим, Мензелинск» волонтерлар төркеменнән.