Минзәлә районының яңартылган Югары Тәкермән мәктәбендә Белем бәйрәме узды

(Дифиза Нуриева, “Мензеля-информ”)

Милли проект кысаларында  мәктәп бинасының тышкы ягы тышланган, спортзал ремонтланган, җылылык системасы тулысынча үзгәртелеп яңача ясалган, яктылык, вентиляция, видеокүзәтү системалары да яңарган, яңа мебельләр кайткан, территориясе төзекләндерелгән. Төзекләндерү эшләре тәмам булып,  1нче сентябрь көнне балаларга кабат ишекләрен ачты. Балаларны әлеге бәйрәм белән котларга Минзәлә районы башлыгы урынбасары Наил Хисамбиев килде.