Минзәлә районының Югары Тәкермән мәктәбендә беренче класска җиде бала килде

(Илдус Шаһиев, Минзәлә-информ)

Бу яңалыкка укытучылар гына түгел, әти-әниләр дә канатланды. Мәктәп бинасында класслар санын арттыру мөмкинлеге бар. Урта мәктәп ябылганга бик кимсенгән авыл халкы рухи күтәрелеш кичерә. Әти-әниләр балаларын район мәктәпләреннән генә түгел, күрше районнан, Чаллыдан да китерәләр.
Бу авылга яшәргә Чаллыдан күченеп кайтучылар да күренә башлады.
Шамил Дәүләтов һәм «Бекон» җәмгыяте беренче классларны сөендереп, бүләкләр өләште.
Авыл җирлеге башлыгы Алия Шәрипова күтәренке рухта үткән тантаналы линейкада укытучыларга һәм укучыларга яңа уку елында барлык күрсәткечләр буенча да районда алдынгы булуларын теләде.