Минзәлә районының «Калморза» хуҗалыгы бөтен Татарстанга үрнәк бүген

(Илдус Шаһиев, Минзәлә- информ)

Биредә көзге бодай, борчак, арпа культураларын сугып алдылар. Гектар көчәнеше дә бик югары.Көзге бодай гектардан 44, язгы бодай- 42,9, арпа- 38 центнер.

Тәҗрибәле механизаторлар иярләгән сигез комбайн чык төшкәнче басуда. 

Илфак Гумеров, хуҗалык җитәкчесе:

-Механизаторларны ,ындыр табагында эшләүчеләрне ике тапкыр тәмле, туклыклы итеп ашатабыз. Биш киптергечебез көнлек суктырылган ашлыкны амбарларга салып кую өчен эшләп тора.

Әлеге хуҗалыкны үз канаты астына алган Алмаз Шәрипов басудагы белгечләр белән даими элемтәдә тора.

Район буенча бөртеклеләрнең 20 проценты җыеп алынган. 

Бүген басуларда эш кайнады.

Август аграрийлары да Мөслимнән кайтып Минзәләдәге сабан бодаен сугарга керешәчәкләр.