Минзәлә шәһәренең 1нче урта мәктәбендә Тукай иҗатына багышланган чара узды

(Дифиза Нуриева, "Минзәлә-информ")

Бәйрәмдә шәһәребезнең 1, 2, 3 санлы урта мәктәпләре, гимназия, Матвеевка, К.Смирнова исемендәге Татар Мөшегесе мәктәпләре катнашты. Укучылар Г.Тукайның тормыш юлы һәм иҗатына багышланган интерактив уенда көч сынаштылар, яраткан әкият геройлары булып чыгыш ясадылар, үз куллары белән ясап алып килгән китапчыкларны күрсәттеләр. Бәйрәмдә татар биюләре, җырлары, Тукай шигырьләре чиратлашып барды. Бәйрәмнең махсус кунаклары Минзәлә шәһәре район мәдәният сарае директоры Гөлчәчәк Габдрахманова,“Татмедиа АҖнең “Минзәлә - информ” филиалы SMM белгече Дифиза Нуриева, РМБ җитәкчеләре Лилия Галиева , Ландыш Шәмсетдинова укучыларның чыгышларына югары бәя куйдылар.