Минзәлә татар зиратында манара куелды

Илшат Вагыйзов, “Минзәлә-информ”

Минзәлә шәһәренең татар зиратында манара куелды, шушы көннәрдә ярымай да урнаштырылачак, дип хәбәр итте район имам-мөхтәсибе Рәмзил хәзрәт Садыйков.

- Хәзерге вакытта зират йортын төзекләндерүне алып барабыз. Бөтен чыгым мәчеткә җыелган хәер-сәдакадан каплана. Моңа кадәр түбәсен алыштырган идек, хәзер манара куйдык. Ниһаять, зиратка татарларныкы, мөселманнарныкы икән төсмер керде, - ди хәзрәт.

Эчке эшләр алдагы елда тәмамланыр, дип көтелә.