Минзәлә театры артисты Ринат Бәдретдинов туган авылында концерт куйды

(Дифиза Нуриева, «Минзәлә-информ»)

Быел концертка Ринат һәм иҗатташ дуслары белән бергә театр директоры Илнур Гайниев та кайтты. Ул да сәхнәдә чыгыш ясады, тамашачыларга үзенең шаян биюен тәкъдим итте. «Әле моңа кадәр бер генә театр артистының да туган авылына кайтып, шундый зур концерт куйганы юк иде», дип Ринатка олы рәхмәтен җиткерде.

Татарстанның халык артисты Резидә Шәрәфиева да Исәнбай тамашачысына матур җырларын бүләк итте.