Минзәлә укучылары 32 капчык чәй өчен киптерелгән үлән җыеп тапшырдылар

Илдус Шаһиев, Минзәлә- информ

Татпотребсоюз оештырган акциядә район мәктәпләренең барысы актив катнашкан. Җыелган продукцияне Лаеш районындагы махсус предприятиягә илтеп биргәннәр.

Гөлнәзирә Зиязова, Татпотребсоюзның Минзәләдәге вәкиле :

-Минзәлә укучылары башка районнардан ким хезмәт куймадылар. Шуңа мәгәриф бүлеге җитәкчелегенә, мәктәп директорларына, аеруча үз куллары белән файдалы үлән җыйган укытучыларга, укучыларга үземнең һәм җитәкчелекнең рәхмәтен җиткерәм.