Минзәлә вәкилләре мөселман уку йортлары укытучыларының Бөтенроссия форумында катнашалар

Илшат Вагыйзов, “Минзәлә-информ”

Казанда мөселман уку йортлары укытучыларының Бөтенроссия форумы үткәрелә.

Әлеге чарада делегатлар буларак Минзәлә районы имам-мөхтәсибе Рәмзил хәзрәт Садыйков, район мөслимәләр берлеге җитәкчесе Роза Фәхретдинова, Дәвек авылыннан мөгаллим Фаил хәзрәт Шиһабетдинов, Минзәләдән Резида Мухамадеева һәм Наратлы-Кичүдән Гөлзар Закеева катнаша.

Рәмзил хәзрәт Садыйков:

- Әлеге форум дини укыту йортларында, шул исәптән, мәчетләребез каршында курсларда укыту оештыруга багышланган.   Лекторлар төрле төбәкләр һәм илләрдә дини белем бирүне оештыру тәҗрибәсе белән уртаклашалар.