Минзәләдә яшәүчеләр «Татарстан чаңгы юлы — 2024» тә катнашты

Илшат Вагыйзов, «Минзәлә-информ»

Минзәлә шәһәренең Ленин исемендәге паркында "Татарстан чаңгы юлы«кысаларында ярышлар узды. Катнашучыларны Минзәлә районы башкарма комитеты җитәкчесе Марат Кәримов сәламләде. Шулай ук ул ВФСК ГТО программасын тормышка ашыруда актив катнашкан Минзәлә белем бирү учреждениеләренә һәм спорт мәктәпләренә, нормативларны тапшырганда иң яхшы нәтиҗәләр күрсәткән спортчыларга Рәхмәт хатлары тапшырды.

Ярышларга килгәндә, салкыннар аркасында 3 чабыш ясарга карар кылынды: 18 яшькә кадәрге, 18 яшьтән өлкәнрәк катнашучылар арасында, шулай УК разрядлары булган «Олимп» спорт мәктәбе тәрбияләнүчеләре арасында «Мастерс» чабышы.

— Бераз җылыткач, масштаблы чаңгы ярышлары үткәреләчәк, — дип билгеләп үтте ярышларның баш судьясы, «Олимп» спорт мәктәбе тренеры Антон Лаврентьев.

18 яшькә кадәрге катнашучылар арасында егетләр һәм кызлар арасында 1 урыннарны Мансур Миңнекаев, Әминә Нургатина, 2 урыннарны Алексей Пакшин, Зөләйха Нәбиева, 3 урыннарны Николай Коноплев һәм Афина Нәбиуллина яуладылар. 

18 яшьтән өлкәнрәк категориядә катнашкан ир-атлар һәм хатын-кызлар арасында 1 урыннарны Тимур Яруллин, Лилия Петрова, 2 — Фаяз Галиев, Малика Хазиева, 3 — Александр Елхов, Надежда Калинина яуладылар .

«Мастерс» чабышында 1 — Евгений Кайнарь һәм Анастасия Калинина, 2 — Илмир Шакуров, Алена Малышева, 3 — Богдан Севастьянов, Рината Нәбиева.
Ярышларда иң яшь һәм өлкән катнашучылар — Ярослав Матвеев һәм Хәниф Гәрәев аерым билгеләнде.

Җиңүчеләрне район башкарма комитеты җитәкчесе урынбасары Нэля Бикеева һәм районның яшьләр эшләре һәм спорт бүлеге җитәкчесе Фаяз Хизбуллин бүләкләделәр.

Күбрәк фотографияләрне безнең сайтның «Фотогалерея» бүлегендә карарга була.