Минзәләдә җомга намазында Мисырдан кунак катнашты

Илшат Вагыйзов, "Минзәлә-информ"
Шушы атнада Минзәлә мәчетендә Мисырдан кунак булды. Ул җомга намазында катнашты. Бу хакта Минзәлә районы имам-мөхтәсибе Рәмзил хәзрәт Садыйков хәбәр итте.
- Кунагыбызның исеме Тарик. Ул Мисырдан, Каһирә шәһәреннән. Яр Чаллы дәүләт педагогика университетында укый. Мәчетебезнең тарихы, бүгенгесе белән танышып, матур, сакланган борынгы мәчет белән сокланып китте. Мисырның тарихи мәчетләре белән чагыштырды, - дип хәбәр итте хәзрәт. 
Фото Минзәлә мәчете архивыннан