Минзәләдә «Төнге чаңгы ярышы» булды

(Илшат Вагыйзов, "Минзәлә-информ")
Минзәләдә, һәр елдагыча, "Урман" чишмәсе янында "Төнге чаңгы ярышы" үткәрелде.
"Олимп" спорт мәктәбе үткәргән әлеге чара 90 нан артык катнашучыны җыйды. Коллектив белән килүчеләр дә бар иде, мәсәлән, 11 санлы балалар бакчасыннан беркем дә читтә калмады. Спортчыларны сәламләп, район Советы аппараты җитәкчесе Аида Биктимерова, район спорт һәм яшьләр бүлеге җитәкчесе Фаяз Хизбуллин чыныш ясадылар. 
Катнашучылар 3 яшь категориясендә ярыштылар: 18 яшькә кадәр, 18-40 яшь, 40 яшьтән өлкәнрәкләр (хатын-кызлар һәм ир-атлар аерым).
Әлеге спорт чарасына килүчеләр өчен кайнар чәй һәм мул өстәл әзерләнгән иде.