Минзәләдә «Урак-2025» көндәлеге

Ильдус Шагиев, 1 август 2025 - 13:53

Оператив мәгълүматлардан күренгәнчә, 13,9 процент мәйданда бөртекле-кузаклы культуралар җыеп алынды.

«Калморза» хуҗалыгы көзге бодайны да җыеп алды. «Август» комбайнчылары көзге культураларны суктырырга Мөслим районына китте. «Бекон» техникасы әлегә Тукай районында эшли.
Вак хуҗалыклар уракка төшмәделәр, әлегә.
Районда 26 мең тоннадан артык ашлык ындыр табакларына кайтарылды инде.
Иң зур гектар көче — «Калморза» хуҗалыгында – 55,7 центнер!