Минзәләдәге Нефтьчеләр паркында хезмәт ветераннары бүләкләнде

(Дифиза Нуриева, “Минзәлә-информ”)

Изыскательләр бистәсендәге Нефтьчеләр паркында җомга киче шау-гөр килеп торды: өлкәннәр Николаевка, Коноваловка, Рус Каран, Матвеевка авыл клублары үзешчәннәре концертын тыңлап хозурланса, балалар исә “Победа” кинотеатры хезмәткәрләре тарафыннан күрсәтелгән мультфильмны карады. ТОС -5 җитәкчесе Валентина Смородинова да үз микрорайонында яшәүчеләр өчен “Чын күңелдән” дип аталган бәйрәм оештырды. Әлеге бәйрәмгә шул микрорайонад яшәүче “Хезмәт ветераны” исеменә лаек булган ветераннар да чакырылган иде. Валентина Леонидовна аларга тантаналы рәвештә ТОСлар конкурсында откан грант акчасына алынган истәлекле бүләкләр тапшырды.