Минзәлә атакаен искә алу панихидасы узды

Илшат Вагыйзов «Минзәлә-информ»

Казан-Богородица чиркәвенең иске православие зиратында архимандрит Антоний (дөньяда – Александр Петров) – башта Казан-Богордица чиркәве рухание, ә 2006 елдан башлап үз вафатына кадәр-Никольский кафедраль соборы рухание - истәлегенә традицион гыйбадәт кылу булды.

Панихиданы Никольский кафедраль соборы настоятеле иерей Роман Храмутичев һәм Казан-Богородица чиркәве рухание Евгений Лазарев үткәрде. Гыйбадәткә барлыгы егермегә якын православие динендәге минзәләлеләр җыелды.

Таисия Уржумцева:

- Антоний атакай бик яхшы кеше иде. Ул минем күршем иде. Мин үзем укытучы булып эшләдем, кайчагында балаларымны калдырып торыр кешем булмый иде. Чиркәүдә кичке гыйбадәте булмаса, атакай алар белән калып тора иде. Кичке хезмәт итмәгәч, ул хәтта алар белән кала. Атакай вафат булгач, милләтенә һәм диненә карамастан, бөтен шәһәр кешесе зур кайгы кичерде.

Тамара Муринова:

- Без аның белән 40 еллап , ул шәһәребезгә килгәннән бирле дус идек. Бик яхшы кеше иде, хәзер дә төшкә еш кына төшкә керә, аның каберенә гел барып торырга тырышам.

Мария Родичева, Никольский кафедраль соборында гыйбадәттә җырчы:

- Без 1978 елда, беренче тапкыр бу шәһәргә килгәч, таныштык. Без аның белән бер елгылар һәм бәлки шуңадыр да ук уртак телне тиз таптык. 1980 елда ул безнең туйны үткәрде, балаларыбызны чукындырды. Биредә, Казан Богородица чиркәвендә аның белән кайнанам эшләде. Аның вафатыннан соң мин дә, башта монда, аннары соборда гыйбадәттә җырлый башладым. Булды шундый вакыт, мин хәтта китәргә дә теләгән идем, атакай мине үгетләде, барысы да килеп чыгачак, диде. Минем балаларым да атакайны зур җылылык белән искә алалар.