Минзәлә егетләре Мәскәүнең Кызыл мәйданында узачак Җиңү Парадында катнашалар

(Дифиза Нуриева, “Минзәлә-информ”)

Бүгенге көндә Данил Миннахметов (3 нче мәктәп чыгарылыш укучысы) хәрби-политик факультетның 3 нче курсында, ә Владислав Владимиров (1 нче мәктәп чыгарылыш укучысы) юридик факультетның 2 нче курсында белем ала.

Данил Миннахметов Кызыл мәйданда узган ноябрь тантаналы маршында ике тапкыр катнашу бәхетенә ия булды. Ә узган ел ул Җиңү Парадында да катнашты. Моның өчен аңа “Җиңү көнендә хәрби парадта катнашканы өчен” медале тапшырылды.

“Минзәлә-информ” га биргән алдагы бер интервьюсында “Мондый тарихи чарада катнашырга туры килгән азларның берсе икәнлегеңне аңлап, нәрсә тойдың?” дигән сорауга Данил:

–Моны аңлатып булмый – барысы да берьюлы: шатлык та, горурлык та, бәхет тә. Трибуналар яныннан үткәндә, сиңа илнең беренче кешеләре карый, мизгелнең бөтен кыйммәтен аңлый башлыйсың, җаваплылык тоясын. Моны аңлатып булмый, моны тоярга кирәк, – дип җавап биргән иде.