Минзәлә гимназиясе укучыларын “Шаян ТВ” телеканалында күрсәттеләр

(Дифиза Нуриева, “Минзәлә-информ”)

Ленар Миннемуллин җитәкләгән театраль студиянең актив әгъзалары – Айнар Хәлиуллин, Ислам Нуриев, Айзилә Исхакова “Шаян ТВ” телеканалында театр студиясе  эшчәнлеге хакында сөйләделәр, тапшыру барышында үзләренең артистлык осталыкларын да күрсәттеләр. Әлеге тапшыру 3 август көнне телевизор караучыларга күрсәтелде.

“Уен” бию ансамле җитәкчесе Роза Биктагирова белән берлектә тапшыруга укучылар – Аяз Галиев, Камилә Галиева, Айнар Хәлиуллин бардылар. Биредә алар бию ансамбленең ни рәвешле гимназиядә барлыкка килүе, конкурс һәм фестивальләрдә ирешкән уңышлары хакында сөйләделәр. Биючеләр турындагы тапшыру 8 август көнне эфирга чыкты.

Әлеге тапшырулардан өзекләрне безнең Вконтакте төркеменә куелган видеолардан карарга мөмкин.