"Минзәлә-информ" үткәргән конкурсның җиңүчесе бүләкләнде

Районыбызда яшәүче милләтләрнең тарихына, гореф-гадәтләренә багышланган #ЭтноМинзәлә конкурсында 1 нче урын яулаган Рәүф Фәссаховка редакция исеменнән истәлекле бүләкләр – филиал тарафыннан чыгарылган буклет, гомуми дәфтәр һәм шуларга өстәп авторучка тапшырылды.

- Мин районыбыз тарихы белән күптәннән, әле мәрхүм Юныс ага Йосыповның авыллар тарихына багышланган язмаларын укып кызыксына башладым. Шуңа күрә #ЭтноМинзәлә конкурсында бик теләп катнаштым. Кайбер сорауларга җавапны интернет аша да эзләргә туры килде. Минемчә, үз тарихын, гореф-гадәтләрен белгән халык кына киләчәктә дә сакланып калачак, - ди Рәүф Фәссахов.

#ЭтноМинзәлә конкурсы 4 этаптан торды, катнашучыларга барлыгы 20 сорауга җавап бирергә кирәк иде.

Икенче урынны Гөлсия Галиева яулады, аның 7 балл. Аны да үз бүләкләрен килеп алуын көтеп калабыз.