Минзәлә интернат-мәктәбе укучылары Бөтенроссия спартакиадасында уңышка ирештеләр

(Минзәлә, Илшат Вагыйзов, «Минзәлә-информ») Кышкы спорт төрләре буенча Ачык Бөтенроссия махсус олимпиадасының ачык Спартакиадасында чаңгы ярышлары нәтиҗәләре буенча 8 нче сыйныф укучысы Полина Срывова хатын-кызлар арасында 500 м дистанциядә Россия буенча мактаулы 3 нче урынны яулады, ә тәмамлап чыгучы Анастасия Волченко 4 нче урынны алды. «Спортчыларыбыз белән горурланабыз, киләчәктә дә уңышлар һәм югары үрләр яулауларын телибез!»- дип хәбәр итәләр Минзәлә интернат-мәктәбеннән.

Исегезгә төшерәбез, 2021 елгы кышкы спорт төрләре буенча Ачык Бөтенроссия Махсус Олимпиадасы 3-8 февральдә 2022 елгы Махсус Олимпиаданың Бөтендөнья кышкы уеннарына багышланган тест чаралары кысаларында үткәрелә.