Минзәлә командасы алтын урталыкта

Узган атна ахырында Биектауда "Ватаным Татарстан" газетасының герой-шагыйрь Муса Җәлил истәлегенә шәхси команда беренчелегенә 55 нче көрәш турниры үтте.

Биредә республикадан 49 командадан 499 көрәшче көч сынашты. Әлеге турнирда районыбыз данын Ришат Гайнетдинов, Рөстәм Хамидуллин, Илназ Хисматуллин, Ленар Загриев, Рифат Хамидуллин, Александр Пермяков, Айнур Зыятдинов, Алмаз Нәбиуллин якладылар.

Безнең район командасыннан Ришат Гайнетдинов 100 килолы көрәшчеләр арасында икенче урынны яулады. Команда беренчелегендә безнең район командасы урталыкта, 26 нчы урын белән канәгатьләнде.