Минзәлә мөхтәсибәте велойөреш үткәрде

(Илшат Вагыйзов,"Минзәлә-информ")

Минзәлә шәһәрендә 15кә якын дин тотучы район мөхтәсибәте оештырган велойөрештә катнашты.

Рәмзил хәзрәт Садыйков, район имам-мөхтәсибе:

- «Экстремизмга-юк!» шигаре астында узган әлеге чара мөселманнарның спорт белән шөгыльләнү тыныч яшәү рәвеше тарафдарлары булулары һәм әйләнә-тирәдәгеләргә карата ихтирам белән карауларын күрсәтү максатыннан үткәрелде.

Велойөрештә катнашучылар мәчеттән старт алдылар һәм шәһәр аша уздылар, Минзәлә елгасы ярына кадәр барып җиттеләр.