Минзәлә муниципаль районының эшмәкәрләр Советы республика конкурсында җиңү яулады

(Флүрә Мусина, “Минзәлә-информ”)

Район эшмәкәрләр Советы «Иң яхшы эшкуарлар Советы» республика конкурсында «Кече һәм урта бизнесны инновацион үстерүгә керткән өлеш өчен» номинациясендә җиңеп чыкты.

Район башкарма комитеты җитәкчесе урынбасары Айгөл Гатинага сертификат тапшырылды.

Конкурс республиканың Иҗтимагый палатасы ярдәме белән Татарстан кече һәм урта бизнес предприятиеләре ассоциациясе тарафыннан икенче ел рәттән үткәрелә. Быел анда 24 муниципалитет катнашкан.