Минзәлә районынан ансамбль Татарстан Президенты исеменнән сертификатка лаек булды

Минзәлә районы Татар Мөшегесе авылыннан "Мөшеге чишмәләре" халык фольклор ансамбле Татарстан Республикасы Президенты исеменнән татар телен, мәдәниятен саклап калуга керткән өлеше һәм 2021 елда нәтиҗәле иҗади эше өчен сертификат белән бүләкләнде.

Бу бүләкне ТР Халыклар ассамблеясе утырышы вакытында ТР Дәүләт Советы Рәисе һәм ТР Халыклар ассамблеясе советы Рәисе Фәрит Мөхәммәтшин әлеге ассамблеянең Минзәлә районындагы вәкиллеге җитәкчесе Гөлчәчәк Габдрахмановага тапшырды.