Минзәлә районы пенсионер - спортчылары командасы– яшьләр өчен лаеклы үрнәк

Минзәлә районын «Россия Пенсионерлар берлеге» нең җирле бүлекчәсе әгъзаларыннан торган командасы көч сынашты: команда капитаны Григорьева Фәния, башка уенчылар– Камалов Әнвәр, Нәҗмиев Рәмзия, Нәҗмиев Радик, Мөсавирова Зөлфия, Гәрәев Хәниф, Шәймәрданов Ринат, Кукаркин Михаил, Мурзакаева Венера, Горбунова Людмила, Мөбәрәкшин Рафис. Команданың иң өлкән вәкиленә 9 май көнне 75 яшь тулды.

Катнашучылар дартс, пуля белән ату, өстәл теннисы, йөзү, җиңел атлетика, эстафета буенча ярыштылар. Киеренке көрәш нәтиҗәсендә безнең уенчылар призлы урыннар яуладылар: Григорьева Фәния өстәл теннисы буенча - 2 урын, Мусавирова Зөлфия 2 урын, йөзү буенча Гараев Хәниф - 2 урын, җиңел атлетика буенча Нәҗмиева Рәмзия - 3 урынга лаек булдылар. Гомумкоманда нәтиҗәләре буенча безнең команда 5 нче урынны яулады.

Спортчыларга нык сәламәтлек һәм актив озын гомер телибез.