Минзәлә районы рус общинасы җитәкчесе бүләкләнде

(Минзәлә, Илшат Вагыйзов, “Минзәлә-информ”) Минзәлә районы рус милли-мәдәни общинасы җитәкчесе Светлана Беляниновага ТР Мәгариф һәм фән министрлыгының дипломы белән бүләкләнде. Әлеге диплом аңа 15 февраль көнне Татарстан территориясендә яшәүче халыклар ассамблеясе  V хисап-сайлау конференциясе кысаларында тапшырылды.

Татарстан Халыклары Ассамблеясенең Минзәлә районындагы вәкиллеге җитәкчесе итеп  Район Мәдәният Сарае директоры, Минзәлә районы "Ак калфак" татар хатын-кызлар оешмасы җитәкчесе Гөлчәчәк Габдрахманова билгеләнде.