Минзәлә районы укучысының беренче Кубогын Алик Атласов яулады

(Илшат Вагыйзов,"Минзәлә-информ")

Минзәлә шәһәренең Балалар иҗат йорты базасында узган "Кубок Школьника -2022" турнирының финал уеннары тәмамланды.

24 яшь шахматчы катнашкан турнир 2 көн дәвам итәчәк дип планлаштырылса да, җиңүчеләрне ачыклау өчен өстәмә көн кирәк булды.

Ислам Хәбибуллин һәм Руслан Зәйнуллин 3 һәм 4 урыннар өчен көч сынашса, 1 һәм 2 урыннар өчен көрәш Радмир Никитин белән Алик Атласов арасында барды. 

Кискен көрәш нәтиҗәләре буенча Кубокны Алик Атласов яулады, 2 урында – Радмир Никитин, 3 урында – Руслан Зәйнуллин, 4 урында Ислам Хәбибуллин.